من طرف نصرالله السبت يونيو 28, 2008 9:02 am
أبو إليّا كتب:طيب الاحت نصر الله انا حابب اسألك كم سؤال:
1) بتدرسي ؟ واذا بتدرسي، شو عم تدرسي؟
2) من أي بلد عربي انتي؟
3) شو أكثر شي بتحبيه في سيد المقاومة؟
4) شو بيعنيلك الاحمر، الام، الموت، الشبس، المعاق، الاب
××××××××××××××××××××××××
مرحبا أخ أبو إليا... انت والله بتأمر مش بس بتسأل:
1- بدرس جيولوجيا..
2- أنا أصلي فلسطينية... بس مقيمة في الأردن.
3- والله عنجد السؤال صعب، لإنه كل شي بحبه في سيد المقاومة... بس ممكن أحكي: إنه بدافع عن المظلومين وبكره الظلم، وهمه كله عالأمة العربية والاسلامية بس مافي حدا بفهم عليه للأسف... وبحبه لإنه هو الشخص الوحيد اللي غيرني من بنت سطحية همها الدنيا ومشاغلي الخاصة بس لبنت تانية... عنجد إنه لوما اني صحيت على صوته وهو بينادي على شباب الامة كان ما انتبهت لكتير أشياء... تعلمت منه كيف الواحد بكون قوي وشجاع وكيف إنه ما في إشي مستحيل أمام الحق وكيف إنه ما بسكت عن الحق حتى لو كل الناس بدها تكره أو توقف ضده...
بتعرف لو تتركني أحكي من هون لبكرة ما بخلص
باختصار هاد الانسان (معلمي، قائدي، سيدي)...
4-الاحمر: أكتر لون بحبه... وهو أجمل ألوان الحرية.
الأم:كلمة تشمل نبع الحنان،... والحضن الكبير الدافيء الحنون.كما وانها تعني الوطن.
الموت: يثير فضولي جداً... فهو بداية لحياة أخرى... أي بمعنى أنه جسر ونحن علينا أن نختار كيف سيكون.
الشمس: تفاؤل... معجزة الهية..فهي جرم سماوي رهيب.. عنجد معجزة -خاصة اني بدرس جيولوجيا- فهي بتعنيلي اشي كتيييير ههههههههه.
المعاق: شخص أتعلم منه الكثير واحترمه كثيييييييييييييييييييييير.
الاب: رجل لاتستطيع أي فتاة ان تعيش بدونه -بابا تعبان هاي الفترة بالله عليكم ادعولوا الله يهدي باله-...وبابا هو اللي علمني كيف يكون تفكيري يحترم كل الآراء اللي معي او ضدي.... الله يخليلي اياه يااااااااااارب
