منتديات عشاق السيد حسن نصر الله

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات عشاق السيد حسن نصر الله


4 مشترك

    جرالك ايه يانصر الله؟ (قصيدة باللغة العامية المصرية)

    عبد الناصر حجازى
    عبد الناصر حجازى
    عضو جديد
    عضو جديد


    ذكر
    عدد الرسائل : 1
    العمر : 64
    مزاجي : جرالك ايه يانصر الله؟ (قصيدة باللغة العامية المصرية) Pi-ca-14
    المهنة : جرالك ايه يانصر الله؟ (قصيدة باللغة العامية المصرية) Unknow10
    الهواية : جرالك ايه يانصر الله؟ (قصيدة باللغة العامية المصرية) Writin10
    نقاط : 54513
    تاريخ التسجيل : 25/04/2009

    جرالك ايه يانصر الله؟ (قصيدة باللغة العامية المصرية) Empty جرالك ايه يانصر الله؟ (قصيدة باللغة العامية المصرية)

    مُساهمة من طرف عبد الناصر حجازى السبت أبريل 25, 2009 2:02 pm

    [size=29------------------------------------------------------------------------------------------------------------------------------------------------------------------------------------------------------------------------------------------]





    جرالك إيــــــــه يانصر الله ؟
    ___________

    عايزنى ازاى احبك وانت بتحارب ولاد صهيون ؟
    وبتعاكس فى أمريكا إله الكون فى شرع أبالسة الأوطان ؟
    ماهو انت شيطان ..
    مادام كاره ولاد عمى ..
    وبتحاول تفهّمنى انهم أعداء ،
    وجاى تحفر لهم أنفاق ..
    لتهريب السلاح لاخواتك الكفرة
    يحاربم بيه ملايكة شعبنا المختار
    ورحمة سيدى بن جوريون لـ هتخشّ بسببنا النار
    جرالك ايه يانصر الله ؟
    عامللى إمام ..
    بدون ماتصلى للطواغيت ولاركعة ؟
    عايزنا نقول ياحاج فلان ..
    بدون دقنك ماتكنس بيتهم الابيض ..
    ولاتهرول مابين البنتاجون والحائط الباكى سبع تشواط ؟
    لأ اسمحلى انى اقول عنك كده مرتد
    ومن حق ( الكلاب ) تنهش بقى ف لحمك ،
    ومن حق ( الولايا ) تقيم عليك الحد
    ماعارفين ان مات ابنك على إيديهم
    هتفضل فاكره طول عمرك ؟
    ياقلبك لاسْود القاسى
    بتكره شعب بالكامل عشان عيّل ؟
    طب اشمعنى احنا راح من شعبنا ملايين ..
    ومرّ الوقت ونسينا ؟
    مابين أسرى اتردم فوقهم تراب سينا..
    وبين أطفال فى كام غارة اتحوّلوا هراهيد
    قلوبنا البيضا بتسامح ..
    لكن قلبك حجر وعنيد
    جرالك ايه يانصر الله ؟
    بتحرجنا بعمايلك ليه ؟
    عايزنا نعود للبس الكاكى ونحارب حبايبنا ؟
    عايزنا نعضّ إيد بتمدّنا بالقمح ؟
    ياشيخ ماتخلى فى عنيك مرة حصوة ملح وتنام جنبنا فى الطين ،
    ياشيخ جاهد معانا وقول بأعلى الصوت : فداكى فداكى يافلسطين ،
    ياشيخ ماتعيدش غلطة اخوك صلاح الدين وتقلقنا بقى من النوم
    جرالك ايه يانصر الله ؟
    ماهانش عليك دمار غزة ؟
    طب اشمعنى احنا هوننا عليك ،
    وجيت تزرع لنا بإيديك ..
    على حدود الوطن صبّار ؟
    أهو انت كمان كده هتهون ،
    ولا.. هتكون من الثوار .. ولاالأحرار ،
    وهنزقـّك بقى فى البير
    كما زقـّينا (سلمان خاطر ) اللى حْرجنا ويّاهم ،
    وهنقول عنك الفاجر ،
    وإرهابى ،
    ورمز الدم والديناميت ،
    وعندك ورشة للتوابيت وبتسوّق لإنتاجها ،
    وأمشيرى بتاع زعابيب ،
    وهنحاكمك فى تل أبيب ،
    وهنبيعك فى واشنطن ،
    ونشترى بيك ( صوابع روج وكام طرحة )
    جرالك ايه ي[/size]انص
    ر الله ؟
    لاما
    لاما
    عضو مشارك
    عضو مشارك


    انثى
    عدد الرسائل : 19
    مزاجي : جرالك ايه يانصر الله؟ (قصيدة باللغة العامية المصرية) Pi-ca-11
    المهنة : جرالك ايه يانصر الله؟ (قصيدة باللغة العامية المصرية) Office10
    الهواية : جرالك ايه يانصر الله؟ (قصيدة باللغة العامية المصرية) Readin10
    نقاط : 54209
    تاريخ التسجيل : 28/05/2009

    بطاقة الشخصية
    رقم العضوية:

    جرالك ايه يانصر الله؟ (قصيدة باللغة العامية المصرية) Empty رد: جرالك ايه يانصر الله؟ (قصيدة باللغة العامية المصرية)

    مُساهمة من طرف لاما الجمعة يونيو 19, 2009 6:26 pm

    هذه القصيدة لمواطن مسلم عربي ام لمواطن صهيوني confused
    عاشقة الحر
    عاشقة الحر
    عضو مشارك
    عضو مشارك


    انثى
    عدد الرسائل : 41
    العمر : 33
    مزاجي : جرالك ايه يانصر الله؟ (قصيدة باللغة العامية المصرية) Pi-ca-11
    المهنة : جرالك ايه يانصر الله؟ (قصيدة باللغة العامية المصرية) Collec10
    الهواية : جرالك ايه يانصر الله؟ (قصيدة باللغة العامية المصرية) Sports10
    نقاط : 53622
    تاريخ التسجيل : 28/07/2009

    بطاقة الشخصية
    رقم العضوية:

    جرالك ايه يانصر الله؟ (قصيدة باللغة العامية المصرية) Empty رد: جرالك ايه يانصر الله؟ (قصيدة باللغة العامية المصرية)

    مُساهمة من طرف عاشقة الحر الإثنين أغسطس 17, 2009 6:23 am

    ليش مزعل نفسك يا استاذ اللي نايمين امثالك في الطين السيد حسن نصر الله ميزعجهم لانه يائس من ان تدب الروح فيهم
    bannotaeg
    bannotaeg
    عضو جديد
    عضو جديد


    انثى
    عدد الرسائل : 7
    العمر : 32
    مزاجي : جرالك ايه يانصر الله؟ (قصيدة باللغة العامية المصرية) Pi-ca-21
    المهنة : جرالك ايه يانصر الله؟ (قصيدة باللغة العامية المصرية) Studen10
    الهواية : جرالك ايه يانصر الله؟ (قصيدة باللغة العامية المصرية) Writin10
    نقاط : 53157
    تاريخ التسجيل : 08/09/2009

    جرالك ايه يانصر الله؟ (قصيدة باللغة العامية المصرية) Empty رد: جرالك ايه يانصر الله؟ (قصيدة باللغة العامية المصرية)

    مُساهمة من طرف bannotaeg الثلاثاء فبراير 16, 2010 1:54 pm

    يا إخواني الأعزاء..
    هذه القصيدة باللهجة المصرية تقصد فقط الاستهزاء ممن يهاجمون السيد (حفظه الله) ولا تعني بأي حال من الأحوال إهانة سماحة السيد.
    هذا للعلم فقط لأنني لاحظت الردود المستنكرة للقصيدة
    عايزنى ازاى احبك وانت بتحارب ولاد صهيون ؟
    وبتعاكس فى أمريكا إله الكون فى شرع أبالسة الأوطان ؟
    ماهو انت شيطان ..
    مادام كاره ولاد عمى ..
    وبتحاول تفهّمنى انهم أعداء ،
    وجاى تحفر لهم أنفاق ..
    لتهريب السلاح لاخواتك الكفرة
    القصيدة هنا وكأنها تتحدث بلسان النظام المصري الموالي للصهاينة فتتحدث عنهم بأنهم (ولاد عمي) وأن الأخوة في فلسطين هم كفرة.. بقصد الاستهزاء بتفكير النظام فقط ليس إلا. جزاكم الله خيرا

      مواضيع مماثلة

      -

      الوقت/التاريخ الآن هو الخميس مارس 28, 2024 8:21 am